კოვიდვაქცინაციით საქართველოში შემოსვლა
საქართველოს საჰაერო საზღვრის კვეთისას ნებისმიერი ტიპის კოვიდვაქცინის სრული კურსის (ორი დოზა, ხოლო johnson&Johnson ვაქცინაციის შემთხვევაში – ერთი დოზა) დამადასტურებელი დოკუმენტის წარდგენისას, არ დაექვემდებარება დამატებით შეზღუდვებს.
საქართველოს სახმელეთო და საზღვაო საზღვრის კვეთისას უნდა წარმოადგინოს ნებისმიერი კოვიდვაქცინის სრული კურსის ჩატარების (ორი დოზა, ხოლო Johnson&Johnson ვაქცინის შემთხვევაში - ერთი დოზა) დამადასტურებელი დოკუმენტი და ბოლო 72 საათში ჩატარებული PCR ტესტის ნეგატიური პასუხი.
*გარდა ინდოეთის რესპუბლიკიდან მომავალი პირებისა (მოქალაქეობის და ვაქცინაციის სრული კურსის ქონის მიუხედავად), ასევე, იმ პირების, რომლებსაც აქვთ უკანასკნელი 14 დღის განმავლობაში ინდოეთის რესპუბლიკაში მოგზაურობის ისტორია. მათ საზღვარზე უნდა წარადგინონ საქართველოში ვიზიტამდე ბოლო 72 საათში ჩატარებული PCR ტესტის ნეგატიური პასუხი და უნდა დაექვემდებარონ სავალდებულო 14 დღიან კარანტინს.
კოვიდვაქცინის გარეშე საქართველოში შემოსვლა
ა) საქართველოს მოქალაქე, საქართველოში ვიზიტამდე ბოლო 72 საათში ჩატარებული PCR ტესტის ნეგატიური პასუხის წარმოდგენის შემთხვევაში, სურვილისამებრ, დაექვემდებარება 8-დღიან თვითიზოლაციას (თვითიზოლაციის შეუძლებლობის შემთხვევაში – საკარანტინე სივრცეში გადასვლას) ან მე-3 დღეს სავალდებულო PCR ტესტირებას საკუთარი ხარჯით.
ბ) საქართველოში ვიზიტამდე ბოლო 72 საათში ჩატარებული PCR ტესტის არქონის შემთხვევაში, საქართველოს მოქალაქე დაექვემდებარება 8-დღიან სავალდებულო თვითიზოლაციას (თვითიზოლაციის შეუძლებლობის შემთხვევაში – საკარანტინე სივრცეში გადასვლას);
*გარდა ინდოეთის რესპუბლიკიდან მომავალი პირებისა (მოქალაქეობის და ვაქცინაციის სრული კურსის ქონის მიუხედავად), ასევე, იმ პირების, რომლებსაც აქვთ უკანასკნელი 14 დღის განმავლობაში ინდოეთის რესპუბლიკაში მოგზაურობის ისტორია. მათ საზღვარზე უნდა წარადგინონ საქართველოში ვიზიტამდე ბოლო 72 საათში ჩატარებული PCR ტესტის ნეგატიური პასუხი და უნდა დაექვემდებარონ სავალდებულო 14 დღიან კარანტინს.
PCR ტესტის პასუხი უნდა იყოს წარმოდგენილი ქართულ, ინგლისურ ან რუსულ ენაზე.
უცხო ქვეყნიდან ჩამოსული 10 წლამდე ასაკის ნებისმიერი პირი (მოქალაქეობის მიუხედავად) თავისუფლდება საქართველოში ვიზიტამდე ბოლო 72 საათში ჩატარებული PCR ტესტის ნეგატიური პასუხის წარმოდგენისა და საზღვრის კვეთიდან მე-3 დღეს PCR კვლევის ჩატარების ვალდებულებისგან.
https://www.geoconsul.gov.ge/HtmlPage/Html/View?id=2222
გთხოვთ, აღნიშნული ინფორმაცია გადაამოწმოთ ოფიციალურ სახელმწიფო სამსახურებში!
განახლებულია 14.06.2021
საქართველოში კოვიდვაქცინით უცხოელთა შემოსვლა
ნებისმიერი ქვეყნის მოქალაქე, ნებისმიერი კოვიდვაქცინის სრული კურსით (ორი დოზა, ხოლო Johnson&Johnson ერთი დოზა), ნებისმიერი ქვეყნიდან გამომგზავრებისას საქართველოში შემოდის შემდეგი პირობებით.
საჰაერო გზით : ვალდებულია წარადგინოს ვაქცინის სრული კურსის დამადასტურებელი დოკუმენტი.
სახმელეთო და საზღვაო გზით: ვალდებულია წარადგინოს ვაქცინის სრული კურსის დამადასტურებელი დოკუმენტი. ვალდებულია წარადგინოს ბოლო 72 საათში ჩატარებული PCR ტესტის ნეგატიური პასუხი.
ყურადღება! გამონაკლისი წესი ვრცელდება ინდოეთიდან მომავალ პირებზე, ასევე, მათზე, ვისაც ბოლო 14 დღის მანძილზე ინდოეთში მოგზაურობის ისტორია აქვს. მათ საზღვარზე უნდა წარმოადგინონ PCR ტესტის უარყოფითი პასუხი და გაიარონ 14 დღიანი სავალდებულო კარანტინი, საკუთარი ხარჯით.
PCR ტესტის პასუხი უნდა იყოს წარმოდგენილი ქართულ, ინგლისურ ან რუსულ ენაზე.
უცხო ქვეყნიდან ჩამოსული 10 წლამდე ასაკის ნებისმიერი პირი (მოქალაქეობის მიუხედავად) თავისუფლდება საქართველოში ვიზიტამდე ბოლო 72 საათში ჩატარებული PCR ტესტის ნეგატიური პასუხის წარმოდგენის ვალდებულებისგან.
კოვიდვაქცინის გარეშე საქართველოში უცხოელთა შემოსვლა
კოვიდვაქცინის გარეშე საქართველოში საჰაერო, სახმელეთო და საზღვაო გზით შემოსვლის უფლება აქვს მხოლოდ ქვემოთ მითითებული სახელმწიფოების მოქალაქეებსა და ამავე ქვეყნებში ბინადრობის (ცხოვრების) უფლების მქონე პირებს.
|
1. ევროკავშირის წევრი სახელმწიფოები
2. ისრაელის სახელმწიფო
3. თურქეთის რესპუბლიკა
4. შვეიცარიის კონფედერაცია
5. ნორვეგიის სამეფო
6. ამერიკის შეერთებული შტატები
7. კანადა
8. დიდი ბრიტანეთისა და ჩრდილოეთ ირლანდიის გაერთიანებული სამეფო
9. საუდის არაბეთის სამეფო
10. კატარის სახელმწიფო
11. ქუვეითის სახელმწიფო
12. არაბთა გაერთიანებული საამიროები
13. ბაჰრეინის სამეფო
14. სომხეთის რესპუბლიკა
15. აზერბაიჯანის რესპუბლიკა
16. უკრაინა
17. მოლდოვის რესპუბლიკა
18. ყაზახეთის რესპუბლიკა
19. რუსეთის ფედერაცია
20. ბელარუსის რესპუბლიკა
21. უზბეკეთის რესპუბლიკა
22. ტაჯიკეთის რესპუბლიკა
23. ყირგიზეთის რესპუბლიკა
24. თურქმენეთი
25. ჩინეთის სახალხო რესპუბლიკა
26. იაპონია
27. კორეის რესპუბლიკა
28. ომანის სასულთნო
29. სან-მარინოს რესპუბლიკა
30. მონაკოს სამთავრო
31. სერბეთის რესპუბლიკა
32. ისლანდიის რესპუბლიკა
33. ლიხტენშტაინის სამთავრო
34. მონტენეგრო
35. ანდორის სამთავრო
36. ალბანეთის რესპუბლიკა
37. ჩრდილოეთ მაკედონიის რესპუბლიკა
38. ბოსნია და ჰერცეგოვინა
|
საქართველოში შემოსასვლელად ისინი უნდა აკმაყოფილებდნენ შემდეგ პირობებს:
- საქართველოში უნდა გამოემგზავრონ ამავე ქვეყნებიდან, მათ შორის, მესამე ქვეყნების ტრანზიტული მგზავრობისთვის გამოყენების უფლებით;
- სასაზღვრო გამშვებ პუნქტზე უნდა წარადგინონ საქართველოში ვიზიტამდე ბოლო 72 საათში ჩატარებული PCR ტესტის ნეგატიური პასუხის დამადასტურებელი დოკუმენტი, ხოლო საზღვრის კვეთიდან მე-3 დღეს, უნდა ჩაიტარონ PCR კვლევა, საკუთარი ხარჯებით;
- საქართველოს სახელმწიფო საზღვრის გადმოკვეთამდე სავალდებულოა სპეციალური ელექტრონული ანკეტის შევსება, სადაც უნდა მიეთითოს ბოლო 14 დღის მოგზაურობის ისტორია, საქართველოში ვიზიტის დროს განსაზღვრული ადგილსამყოფელი, საკონტაქტო ინფორმაცია და ა.შ;
- პირები, რომლებსაც უფიქსირდებათ უკანასკნელი 14 დღის განმავლობაში ინდოეთის რესპუბლიკაში მოგზაურობის ისტორია, 14 დღით დაექვემდებარებიან საკარანტინე სივრცეში გადასვლას (საკუთარი ხარჯებით). ამ შემთხვევაში, მე-3 დღეს PCR კვლევის ჩატარება აღარ არის სავალდებულო.
PCR ტესტის პასუხი უნდა იყოს წარმოდგენილი ქართულ, ინგლისურ ან რუსულ ენაზე.
უცხო ქვეყნიდან ჩამოსული 10 წლამდე ასაკის პირი (მოქალაქეობის მიუხედავად) თავისუფლდება საქართველოში ვიზიტამდე ბოლო 72 საათში ჩატარებული PCR ტესტის ნეგატიური პასუხის წარმოდგენისა და საზღვრის კვეთიდან მე-3 დღეს PCR კვლევის ჩატარების ვალდებულებისგან.
https://www.geoconsul.gov.ge/HtmlPage//html/View?id=2131
https://www.geoconsul.gov.ge/ka/newsFeed/nId/291
გთხოვთ, აღნიშნული ინფორმაცია გადაამოწმოთ ოფიციალურ სახელმწიფო სამსახურებში!
განახლებულია 14.06.2021