მარადიული ზაფხულის ქვეყანა, უძველესი ცივილიზაციები და უდარდელი გართობა, მექსიკა ყოველწლიურად უფრო და უფრო მეტ ტურისტებს იღებს სხვადასხვა ქვეყნიდან. წარმოიდგინეთ, დილით თქვენ ისვებენთ თეთრ ქვიშიან სანაპიროზე, დღის მეორე ნახევარში თქვენ სერფინგით ხართ დაკავებული, და სიგრილის დაწყებისთანავე გაემგზავრებით ერთ-ერთ მომხიბლავ ქალაქში ტეკილას დეგუსტაციაზე, ან მაიას პირამიდებთან, რომ იპოვოთ პასუხები ჩვენი ცხოვრების მთავარ კითხვებზე. შესვენებების დროს შეგიძლიათ ისწავლოთ ლათინური ამერიკის ცეკვები, ნამდვილი ბურიტოს დამზადების ხელოვნება და რამდენიმე ფრაზა ესპანურად. მოემზადეთ ყველაზე ნათელი შთაბეჭდილებებისთვის, ამიგოს!

ძირითადი  ქალაქები და კურირტები

მეხიკო - არის დედაქალაქი, ადმინისტრაციული და ეკონომიკური ცენტრი. ქალაქი მდებარეობს ზღვიდან შორს, მაგრამ ასობით მუზეუმის და ათეული არქეოლოგიური ზონის გულისთვის ღირს ამ ქალაქის სტუმრობა, რომელიც საინტერესოა ცნობისმოყვარე ვიზიტორებისთვის.

კანკუნი - მექსიკაში ყველაზე დიდი კურორტი, რეგულარულად შედის მსოფლიოს საუკეთესო ხუთეულში. პირობითად, მისი ტერიტორია იყოფა სამ ნაწილად. დასახლებული რაიონი, ეკოლოგიური ნაკრძალი, რომელიც ცნობილია გამჭვირვალე ლაგონებითა და ტროპიკული ტყით და, რა თქმა უნდა, სასტუმროების ტერიტორია. ფეშენებელური სასტუმროები, რომლებიც მუშაობენ All Inclusive-ის სისტემით, სტუმრებს სთავაზობენ გართობის მრავალფეროვნებას - თევზაობადან აუზების კლასიკური ანიმაციამდე. გარდა ამისა  აქ არის - რესტორნები, ბარები, დისკოთეკები, სპა-სალონები, სერფინგის სკოლები, ჩოგბურთის კორტები, უზარმაზარი სავაჭრო ცენტრები. კურორტი  ძირითადად  ორიენტირებულია დასავლეთის აუდიტორიაზე.

რივიერა მაია - ფართო პლიაჟებით დაკავავებულია ასი კილომეტრი, რომელიც გადაჭიმულია კანკუნიდან სამხრეთით. მაიას სამყაროს კარიბჭე, იდეალური ამოსავალი წერტილია არქეოლოგიური ექსკურსიებისთვის, იქნება ეს ჩიჩენ-იცის პირამიდები თუ ინდიელების სოფელი ტულუმი. ამ რეგიონში ყველაზე პოპულარული და ამავე დროს ყველაზე ახალგაზრდა კურორტი არის პლაია-დელ-კარმენი. დღის განმავლობაში, ტურისტები ეცნობიან უძველეს ისტორიას, საღამოს კი ერთობიან პლიაჟის ბარებში და სანაპიროზე, რომლებიც დილამდე არ იძინებენ.

სრუტის გავლით მდებარეობს კუნძული კოსუმელი.  ინდიელებს ის მიაჩნდათ წმინდა ადგილად. სწორედა აქ, ლეგენდის თანახმად, ცხოვრობდნენ ცნობილი მხილველები, ქალები კი მიიმგზავრებოდნენ ამ კუნძულზე და ეთაყვანებოდნენ ნაყოფიერების ქალღმერთს. დღეს კოსუმელი იზიდავს არა მხოლოდ თავისი კულტურული მემკვიდრეობით, არამედ დაივინგის ფართო შესაძლებლობებით. კუნძულზე არც თუ ისე ბევრი სასტუმროა, მათი უმეტესობა ბუნებასთან ერთიანობისკენ არის ორიენტირებული.

პუერტო-მორელოს - არის საკურორტო სოფელი კანკუნიდან სამხრეთით 30 კილომეტრში. ეს არის წყნარი, კომფორტული ადგილი მათთვის, ვინც დაიღალა დიდ ქალაქში ცხოვრებით და სურს მათ გარშემო რაც შეიძლება ნაკლები ადამიანი ნახოს. პუერტო-მორელოს უყვართ შემოქმედებითი პროფესიების წარმომადგენლები - მხატვრებს, მწერლებს, სცენარისტებს. ადგილობრივი პეიზაჟები ხელს შეუწყობს  შთაგონების ძიებასში. 

კლიმატი

მექსიკის ყურის სანაპიროზე გამოირჩევა მშრალი (ნოემბერი-აპრილი) და სველი (ივნისი-სექტემბერი) სეზონები, რომლებიც ტემპერატურით ოდნავ განსხვავდება, მაგრამ ტროპიკული ციკლონების გავლენის გამო, ნალექების პერიოდში მნიშვნელოვნად განსხვავდება. მიუხედავად ამისა, მზე და თბილი ზღვა გარანტირებულია მექსიკაში მთელი წლის განმავლობაში. 

დროის სხვაობა

დროის სხვაობა მექსიკის და თბილისის შორის - 9 საათი. 

ვალუტა

ვალუტა: მექსიკური პესო (MXP). უდრის 100 სენტავოს (ცენტი).გარდა ამისა, აშშ დოლარს ყველგან ღებულობენ, და არ იქნება პრობლემა საკრედიტო ბარათებით გადახდაც. 

ვიზა

საქართველოს მოქალაქე, რომელიც მიემგზავრება მექსიკის შეერთებული შტატებში ესაჭიროება შესაბამისი კატეგორიის ვიზა (ტურისტული, საქმიანი და საქართველოს მოქალაქე, რომელიც ფლობს აშშ-ს, შენგენის ზონის წევრი ნებისმიერი ქვეყნის, კანადის, იაპონიის, დიდი ბრიტანეთისა ან ჩრდილოეთ ირლანდიის გაერთიანებული სამეფოს მოქმედ;მრავალჯერად ვიზას უფლება აქვს შევიდეს მექსიკის შეერთებულ შტატებში ვიზის გარეშე. საქართველოს მოქალაქემ ვიზის მისაღებად უნდა მიმართოს მექსიკის შეერთებული შტატების საპატიო საკონსულოს ქ. თბილისში, რომელიც უზრუნველყოფს დოკუმენტაციის ელექტრონული ვერსიის გადაგზავნას ქ. ანკარაში არსებულ მექსიკის შეერთებული შტატების საელჩოში. 

გეოგრაფიული ინფორმაცია

მექსიკა - ფედერაციული სახელმწიფო ჩრდილოეთ ამერიკაში. ხმელეთზე მისი ყველაზე დიდი მეზობელია, ჩრდილოეთით მდებარე ამერიკის შეერთებული შტატები, სამხრეთით და დასავლეთით ესაზღვრება წყნარი ოკეანე. მექსიკის სამხრეთელი მეზობლებია გვატემალა და ბელიზი. აღმოსავლეთით ესაზღვრება კარიბის ზღვა და მექსიკის ყურე. გეოგრაფიული რაიონები - მექსიკის პლატო, ყურის ზღვისპირა დაბლობი, წყნარი ოკეანისპირა მაღლობი, ქვედა კალიფორნიის ნახევარკუნძული, სამხრეთი მაღლობი, ჩიაპასის მაღლობი. მის ტერიტორიაზე 40-ზე მეტი ჩამქრალი ვულკანია. 

მოკლე ისტორია

კოლუმბამდელ პერიოდში, თანამედროვე მექსიკის ტერიტორიაზე არსებობდა მრავალი სახელმწიფო, რომლებიც განვითარების საკმაოდ მაღალ საფეხურზე იმყოფებოდნენ. მათ შექმნეს მოწინავე ცივილიზაციები, პირველი მექსიკური სახელმწიფოების დაარსება ჯერ კიდევ ქრისტეს შობამდე იწყება. ქრისტეფორე კოლუმბის მიერ ამერიკის აღმოჩენის დროს, აქ არსებობდა აცტეკების და მაიას სახელმწიფოები; ამ ორ ქვეყანას შორის მუდმივი დაპირისპირება არსებობდა, რაც ეს ორივე მათგანს აზიანებდა და ასუსტებდა. უკვე 1521 წელს განხორციელდა ესპანელების პირველი ექსპედიცია. ესპანელმა დამპყრობლებმა დასუსტებული მექსიკური სახელმწიფოები ადვილად დაიპყრეს და დაიმორჩილეს. შეიქმნა ახალი სახელმწიფო — ახალი ესპანეთი. მის შემადგენლობაში მოექცა მთლიანად მექსიკის და არამარტო მექსიკის ტერიტორიები. 1810 წელს დაიწყო მექსიკელი ხალხის ბრძოლა დამოუკიდებლობისთვის; 1821 წელს ქვეყანამ ესპანეთისგან დამოუკიდებლობა მოიპოვა. ახალ სახელმწიფოს ეწოდა მექსიკის იმპერია. 1910 წელს მექსიკაში რევოლუცია მოხდა. 1917 წლის კონსტიტუციით მექსიკა ფედერაციული სახელმწიფოდ გამოცხადდა. 

ოფიციალური ენა და რელიგია

ოფიციალური ენა ესპანურია, საკურორტო ზონებში თავისუფლად ფლობენ ინგლისურ ენას. დომინანტი რელიგიაა  - ქრისტიანობაა. მოსახლეობის თითქმის 100% თავს კათოლიკებად თვლის. 

სამზარეულო

მექსიკელებს აქვთ გემრიელი სამზარეულო, რომელიც აღიარებულია მთელ მსოფლიოში. მექსიკური სამზარეულო– ეს არის ინდიელთა და ევროპული კულინარიის საოცარი კომბინაცია. მაგალითად, მაიას და აცტეკებისგან მათ ერგოთ სიმინდი, მცენარეების ფოთლები. ასევე მათ მოჰყავდათ გოგრა, წიწაკა, ლობიო, კარტოფილი, პომიდორი. და რა თქმა უნდა ამზადებდნენ კერძს კაკტუსისგან, რომლის ფოთლებს აძრობდნენ ეკლებს, ხრაკავდნენ საფანელში და ღებულობდნენ ბლინების მაგვარ კერძს. ადგილობრივი ნანადირევიდან ინდიელები ამჯობინებნენ ინდაურის ხორცს. სიმინდი– ეს არის პროდუქტი, რომლითაც ნამდვილ მექსიკელებს შეუძლიათ ისაუზმონ, ისადილონ და ივახშმონ უბრალოება და სიცხარე– ეს არის მექსიკური სამზარეულოს ბაზისური შემადგენელი. საჭმელი მზადდება ნაკვერჩხალზე თუჯის ტაფებეზე, სუფრაზე კი ის მოაქვთ თიხის ჭურჭლით. ალკოჰოლურ სასმელებს შორის, ლიდერია ტეკილა - ლურჯი აგავასგან დამზადებული არაყი.იმისათვის, რომ შეიგრძნოთ ნამდვილი მექსიკური კოლორიტი, აუცილებელია სადილს თან ახლდეს მექსიკური მუსიკა. 

ტრანსპორტი

ქვეყანას აქვს განვითარებული სატრანსპორტო ქსელი. ტაქსს აქვს მგზავრობის ფიქსირებული ღირებულება ($ 0.5 მანძილის მიუხედავად). ფასზე წინასწარ უნდა შეთანხმდნეთ, რადგან ბევრ მანქანაში არ არის მრიცხველი. ქალაქთა შორის მიმოსვლა შეგიძლიათ ავტობუსების საშუალებით, მგზავრობის საფასური კი მინიმალურია. 

დღესასწაულები

თებერვლის ბოლოს - მარტის დასაწყისი - კარნავალი
24 თებერვალი - დროშის დღე
16 სექტემბერი - დამოუკიდებლობის დღე
21 სექტემბერი -  ღმერთი კეცალკოატლის დღესასწაული ჩიჩენ-იცაზე
2 ნოემბერი - ყველა წმინდანის დღე და "მკვდრების დღე"
22 ნოემბერი - წმინდა სესილიას დღე, მექსიკელი მუსიკოსების დღესასწაული
25 დეკემბერი - კათოლიკური შობა

მედიცინა

საკურორტო ტერიტორიების მონახულების მიზნით სპეციალური ვაქცინები არ არის საჭირო. მაგრამ ტურის შეძენის დროს თქვენ უნდა იზრუნოთ ჯანმრთელობის დაზღვევაზე. ყველა დიდ ქალაქში არის კლინიკები, სასტუმროებში არსებობს სამედიცინო კაბინეტი, პირველადი დახმარების მისაღებად.

რეკომენდაციები ტურისტებისთვის

• მომსახურების საკომისო შეადგენს მთლიამი ღირებულების 10 %-ს. ხელის ქირა მძღოლისთვის და გიდისთვის შეადგენს 1-2$.
• ნუ ბანაობთ ველურ პლიაჟებზე, სადაც არ არიან მაშველები. მექსიკის ყურეს მშვიდობიან წყლებს შეუძლიათ წყალქვეშა დინებების დამალვა.
• საკურორტო ადგილებში პრაქტიკულად არ არსებობს კრიმინალი, მაგრამ თუ გადაწყვეტთ მათი საზღვრების მიღმა გასვლას, ფრთხილად იყავით - თვალყური ადევნეთ ნივთებს, არ იაროთ ბნელ ქუჩებში.