კოსუმელი - არის ყველაზე დიდი კუნძული მექსიკაში (14 კმ სიგანისა და 53 კმ სიგრძით), მდებარეობს იუკატანის ნახევარკუნძულიდან 19 კილომეტრში, კარიბის ზღვის დასავლეთით. ეს არის მექსიკის  ერთ-ერთი საუკეთესო კურორტი, რომელმაც პოპულარობა მოიპოვა თავისი საოცარი სილამაზის წყალქვეშა სამყაროთ და მარჯნის რიფით, რომელიც  700 კილომეტრზე მეტია სიგრძით, და მსოფლიოში მეორე ადგილზეა სიდიდით.

ადგილობრივი ინდიელები კუნძულს წმინდა ადგილად თვლიდნენ და მას ა-კუსამილ-პეტენს - მერცხლების კუნძულს უწოდებდნენ. კუნძულზე დაახლოებით 40 არქეოლოგიური ძეგლი და პირამიდაა დარჩენილი.

ზოგადი ინფორმაცია

კოსუმელს მერცხლების კუნძულს უწოდებდნენ. მუნიციპალიტეტის ტერიტორია 647,33 კმ², რაც ქვეყნის მთლიანი ფართობის 1.27% -ს შეადგენს. ვინაიდან ის კუნძულზე მდებარეობს, მას ფიზიკური საზღვრები არ აქვს შტატის სხვა მუნიციპალიტეტებთან, მაგრამ არსებობს საზღვაო კავშირი სოლიდარადიდის, ტულუმისა და ბენიტო-ხუარესის მუნიციპალიტეტებთან.

საკურორტო ცხოვრება

კუნძულ კოსუმელის საკურორტო ცხოვრება კონცენტრირებულია დასავლეთ სანაპიროზე, სადაც თეთრ ქვიშიან პლიაჟებზე განთავსებულია ყველა სასტუმრო და დაივინგ-კლუბები. კუნძული განსაკუთრებით პოპულარულია ყვინთავების შორის მთელს მსოფლიოდან. ოფიციალური პრესა თვლის კოსუმელს დაივინგისთვის მსოფლიოში ერთ-ერთ საუკეთესო ადგილად.

კუნძულის ტერიტორიის მხოლოდ 3% არის განვითარებული, დანარჩენზე კი მექსიკის ერთ-ერთი ეროვნული პარკია განთავსებული.  მათთვის, ვისაც უყვარს ბუნება, სთავაზობენ ექსკურსიებს ჯუნგლებში და ტროპიკულ ფლორისა და ფაუნის გაცნობას. განსაკუთრებით მდიდარია კუნძულის ფრინველთა სამყარო. აქ ცხოვრობენ თეთრი ყანჩები, ფერადი თუთიყუშების სამწყსო, ასევე ეროვნული პარკის ტერიტორიაზე მდებარეობს მაიას ცივილიზაციის შენობების ნანგრევები.

ბუნება

მიუხედავად იმისა, რომ კუნძული კონტინენტიდან გამოყოფილია ვიწრო სრუტით, კოსუმელზე დაახლოებით ათეული ენდემური სახეობაა (Chlorostilbon forficatus, Reithrodontomys spectabilis, Toxostoma guttatum, კოსუმელის ენოტი, Vireo bairdi).