პუერტო მორელოს არის მექსიკური საკურორტო სოფელი კანკუნიდან 30 კილომეტრში, რომელიც მდებარეობს იუკატანის ნახევარკუნძულის აღმოსავლეთ ნაწილში, კარიბის ზღვის სანაპიროზე. 

პუერტო მორელოსს არ აქვს მდიდარი ისტორია. პუერტო მორელოს არის წყნარი და მყუდრო ადგილი, რომელიც იზიდავს მათ, ვინც სიწყნარეს და სიმშვიდეს ეძებს. 1960-იან წლებში, მექსიკის მთავრობის ინიციატივით, პუერტო მორლოს გახდა კურორტი - საყვარელი დასასვენებელი ადგილი მსოფლიო ელიტის.

ვინაიდან პუერტო მორელოს მშვიდი და წყნარი კურორტია, ხმაურიანი დღესასწაულები  ცეცხლოვანი ლათინო-ამერიკული მუსიკით და ცეკვებით აქ არ ტარდება. იმისთვის, რომ ნახოთ როგორ ისვენებენ და აღნიშნავენ დღესასწაულებს მექსიკელები, ან თუნდაც პირადად მიიღოთ ამაში მონაწილეობა, საუკეტესო ვარიანტია კანკუნში წასვლა. მაისის ბოლო რამდენიმე დღის განმავლობაში კანკუნი ტრადიციულად აღნიშნავს ზღვის ფესტივალს, მისი პროგრამა მოიცავს სათევზაო ტურნირს, საცურაო და პლიაჟის ფრენბურთის შეჯიბრებებს და ყველას შეუძლია მიიღოს მონაწილეობა საუკეთესო ქვიშის ქანდაკების ტურნირში. ხოლო აგვისტოს დასაწყისში, კანკუნი აღნიშნავს სანაპიროების ფესტივალს, სადაც ყველა ზემოთ ჩამოთვლილ კონკურსს ემატება დისკოები, მოდის შოუები, კულინარიული შეჯიბრებები და ეროვნული კერძების უფასო დეგუსტაცია.

უახლოესი აეროპორტი და რკინისგზის სადგური მდებარეობს კანკუნში. კურორტის საზოგადოებრივი ტრანსპორტია ავტობუსები.

პუერტო მორელოს სუვენირები: ტეკილა, კერამიკა, ყავა, ტყავის ნაწარმი და ქსოვილები, რომლებიც დამზადებულია აგავას ბოჭკოებისგან, პალმის ხის ჩანთები და ქუდები, ხილის სანთლები და ადგილობრივი ტკბილეული.

საინტერესო ადგილები პუერტო მორელოსში

აქ ყველაზე მიმზიდველი ადგილია მარჯნის რიფები, რომლებიც სოფლის პირდაპირ მდებარეობს. რიფები მდებარეობს სანაპიროდან დაახლოებით 500 მეტრით დაშორებით, რომელიც ნაპირს იცავს ქარიშხლებისა და დიდი ტალღებისგან. 1998 წელს პუერტო მორელოსის რეგიონის რიფები გამოცხადდა ეროვნული საზღვაო პარკის ნაწილად.

ზედაპირთან ახლოს მდებარე რიფები იდეალურია სნორკლინგისთვის. დამოუკიდებელად სნორკლინგი რიფზე აკრძალულია. რიფების განზრახ და უნებლიე დაზიანებისგან დასაცავად, რიფების მონახულება ნებადართულია მხოლოდ ორგანიზებული ტურებისთვის გიდებთან ერთად  და სავალდებულოა სამაშველო ჯილეტის გამოყენება. თუ რიფს ნებართვის გარეშე ეწვევით, ნაპირზე დაგაბრუნებენ და დაგაჯარიმებენ.