კანკუნი (ესპ. Cancún) — ქალაქი და მუნიციპალიტეტი მექსიკაში. მდებარეობს იუკატანის ნახევარკუნძლზე, იუკატანის სრუტის ნაპირზე. შედის კინტანა-როოს შტატის შემადგენლობაში. არის ბენიტო-ხუარესის მუნიციპალიტეტის ადმინისტრაციული ცენტრი. მოსახლეობა 526 701 ადამიანი.

ქალაქს აქვს საერთაშორისო აეროპორტი, რომელიც ქვეყნის მასშტაბის სიდიდით მეორე ადგილზეა.

კანკუნი შედის მსოფლიოში საუკეთესო კურორტების ხუთეულში. პატარა სოფლის ადგილზე აშენებული, კანკუნი ახლა საერთაშორისო ტურიზმის ერთ-ერთი ყველაზე მნიშვნელოვანი ცენტრია.

კურორტი მდებარეობს ქვიშიან ნაპირზე, რომელიც წააგავს  "7" რიცხვს, 400 მ სიგანისა და 30 კმ სიგრძის. კლიმატი ტროპიკულია - საშუალო წლიური ტემპერატურა 30-32 გრადუსია.

კურორტის განვითარება შედარებით ცოტა ხნის წინ, 1970-იან წლებში დაიწყო. 1967 წელს, პრეზიდენტმა ეჩევერიამ გამოაცხადა კანკუნი პრიორიტეტად ტურიზმის განვითარების პროგრამისთვის. 1970 წელს დაიწყო პირველი სასტუმროების, საცხოვრებელი ფართების და აეროპორტის მშენებლობა. 1976 წლისთვის კანკუნის მოსახლეობა შეადგენდა 18 000 ადამიანს. მისი თეთრი ქალაქის პლიაჟები და თანამედროვე, კოსმოპოლიტური ტურისტული ზონის განვითარებამ ხელი შეუწყო იმას, რომ კანკუნი იქცა ერთ-ერთ ყველაზე პოპულარულ ტურისტულ მიმართულებად მექსიკაში.

ეს მრავალმხრივი კურორტი ჩრდილოეთ ამერიკაში აღიარებულია მთელ მსოფლიოში, ძირითადად ახალგაზრდებისთვის და აქტიური დასვენებისთვის.

კანკუნი დღეს

დღეს კანკუნს, რომლის მუდმივი მოსახლეობა 800 ათასი ადამიანია, სტუმრობს 3 მილიონზე მეტი ტურისტი. კანკუნის ტერიტორია იყოფა სამ ძირითად ნაწილად:

- სასტუმროების ზონა - ფერადი, დინამიური 25 კილომეტრის სიგრძის ბულვარი, რომლის გასწვრივ ასობით ოთხიდან ხუთვარსკვლავიანი მაღალი კლასის სასტუმროებია, რომელთა საერთო რაოდენობა შეადგენს 30 000-ზე მეტ ოთახს, ასევე  მრავალი რესტორანი, ცენტრი და მაღაზია - ყველაფერი იმისათვის, რომ დააკმაყოფილოს ყველაზე მოთხოვნადი სტუმრები;

- ეკოლოგიური ნაკრძალი, რომელიც ცნობილია თავისი არაჩვეულებრივი პეიზაჟებით, ლაგონებითა და მანგოს თყეებით, რომლებიც ქმნიან ამ ტერიტორიის უნიკალურ სილამაზეს;

- ქალაქის საცხოვრებელი უბნების ინფრასტრუქტურა, სადაც მოსახლეობის 70% ცხოვრობს.

ეს კი კანკუნს მიმზიდველად ხდის ინვისტიციებისთვის. აღსანიშნავია კანკუსის შთამბეჭდავი სწრაფი განვითარება ბოლო ათწლეულების განმავლობაში. ამჟამად შენდება და და დაგეგმილია რამდენიმე ახალი მეგა პროექტიც, როგორებიც არის პუერტო კანკუნი (Puerto Cancun), ასევე ტურისტული ლაგუნის სანაპირო, ულამაზესი ბულვარები, საცხოვრებელი კორპუსები და ნავმისადგომები - მალეკონ კანკუნი (Malecon Cancun), განვითარების პროექტშია 25 000-ზე მეტი შენობა და ასობით რესტორანი და მაღაზია.

კლიმატი

კანკუნს აქვს ძალიან რბილი საზღვაო კლიმატი, რაც სეზონზე დიდად არ არის დამოკიდებული. წვიმიანი პერიოდი მაისიდან ნოემბრის ბოლომდე გრძელდება. ყველაზე მეტი ნალექი სტატისტიკის მიხედვით მოდის იანვარში, ივნისში, სექტემბერში, ოქტომბერში და ნოემბერში.

დასვენება და გასართობი კანკუნში

კანკუნი გთავაზობთ მრავალფეროვან გასართობს და ღირსშესანიშნაობებს. ერთ-ერთი საყვარელი დასასვენებელი ადგილია ულამაზესი Laguna Nichupte, რომელიც ქალაქ კანკუნს გამოყოფს სასტუმროს ზონიდან. მისი პეიზაჟებით შეგიძლიათ დატკბეთ ნავიდან, იახტიდან ან ბარების და რესტორნების ღია ტერასებიდან, რომელიც მდებარეობს ლაგუნაში.

არქეოლოგიის და ისტორიის მოყვარულთა ოცნება -მაიას ნანგრევები  ელ რეი (El Rey)  ტურისტული ტერიტორიის ჩრდილოეთ ნაწილში, რომელიც მდებარეობს თანამედროვე ღირსშესანიშნაობებს შორის. 

აქტიური დასვენების მოყვარულთათვის, არსებობს გოლფის კურსები, ველოსიპედის ბილიკი და ველოსიპედის დაქირავება, წყლის სპორტის მრავალფეროვნება, ჩოგბურთისა და პლიაჟის ფრენბურთის შესაძლებლობები.

საერო გასართობის მოყვარულები დააფასებენკარიბის  ნამდვილ ღამის ცხოვრებას - რესტორნები, ბარები, დისკოები, ღამის კლუბები, კაზინოები, რომლებიც მუშაობენ მზის ამოსვლამდე, ასევე  შოუები და წვეულებები.