პლაია დელ კარმენი (Playa del Carmen) - არის შედარებით ახალი ტურისტული კურორტი მექსიკაში, რომელიც სწრაფად გახდა პოპულარული და დღესდღეობით ერთ-ერთი ყველაზე საყვარელი ტურისტული მიმართულებაა არა მხოლოდ მექსიკაში, არამედ მთელს ლათინურ ამერიკაში.

პლაია დელ კარმენი კვლავ ინარჩუნებს პატარა სათევზაო სოფლის ატმოსფეროს, როგორც ეს იყო 20 წლოს წინ. ეს არის მიზიდულობის არსი „კარიბჭე მაიას სამყაროსკენ”. 

ეს მშვენიერი ქალაქია, რომელიც მექსიკის პროვინციის ჰაერს აერთიანებს კარიბის ზღვის დამახასიათებელ რიტმთან და ფერებთან. პლაია დელ კარმენი მიესალმება სტუმრებს მთელი მსოფლიოდან, ვისთვისაც ეს არის სტრატეგიული საწყისი წერტილი მაიას სამყაროს შესასწავლად.

სტუმრები არამარტო მზით და სანაპიროზე ყოფნით იღბენ სიამოვნებას, არამედ სარგებლებენ შემოთავაზებული აქტივობებით -  ცურვა დელფინებთან, სნორკლინგი გამოქვაბულებებში, ვინდსერფინგი, თევზაობა და დაივინგი მარჯნის რიფებში. და ეს ყველაფერი - დაუვიწყარი დასვენებაა პლაია დელ კარმენზე.

პლაია დელ კარმენი მრავალეროვნული ქალაქია. ბიზნესი, ისევე როგორც მაღაზიები და რესტორნები, კონცენტრირებულია ე.წ. მეხუთე ავენიუზე - კინტა ავენიდა (5ta Avenida), რომელიც მდებარეობს  სანაპიროს პარალელურ მხარეზე.

ასევე პლაია დელ კარმენის ამ მომხიბლავი კუთხის გვერდით ვითარდება სასტუმროების ტერიტორია Playacar, სადაც განთავსებულია უზარმაზარი თანამედროვე საკურორტო კომპლექსები, რომლებიც შედის საერთაშორისო სასტუმროების ქსელში. ყველა მათგანი მუშაობს სისტემით  “All Inclusive”, საერთო ტევადობა აღწევს 30,000 ადგილს.

მდებარეობა

კურორტი მდებარეობს კანკუნის აეროპორტიდან მხოლოდ 45 წუთის გზის მანძილზე, რივიერა მაიას შუაგულში. ეს არის იდეალური საწყისი წერტილი, რომ ნახოთ მექსიკის ლეგენდარული არქეოლოგიური საგანძური, როგორიცაა ჩიჩენ-იცა, ტულუმი, კობა და შელ ჰა(Xel Ha). ცნობილი Xcaret Ecopark - ი მდებარეობს პლაია დელ კარმენის ცენტრიდან მხოლოდ 6 კილომეტრში.

ტურისტული ინფრასტრუქტურა

პლაია დელ კარმენთან ახლოს მდებარეობს რამდენიმე მიმზიდველი ტურისტული ადგილი:

ეშკარეტი, ეკოლოგიური თემატური პარკი, რომელიც ეძღვნება მაიას კულტურას.

კოსუმელი, კუნძული რომელიც მდებარეობს პლაია დელ კარმენის მოპირდაპირე მხარეს,  მხოლოდ 45 წუთის სავალზეა დაშორებული.

კანკუნი, ცნობილი საკურორტო ქალაქი.

ტულუმი - რომელიც მდებაორეობს მაიას ტომთან დაკავშირებულ არქეოლოგიური გათხრების ადგილთან.

სიან კაანი - ბიოსფერული ნაკრძალი.

პლაია დელ კარმენის საზღვრებში არის განვითარებული ტურისტული კომპლექსი Playacar.

ქალაქი მდებარეობს კოსუმელი სრუტის სანაპიროზე, რომელიც მსოფლიოში ერთ-ერთი ყველაზე პოპულარული ადგილია დაივინგისთვის. რამდენიმე საკრუიზო გემი ჩერდება პლაია დელ კარმენში.

ღამის ცხოვრება

ღამის ცხოვრება პლაია დელ კარმენში ცნობილია თავისი დისკებით, რომელიც ტარდება პირდაპირ პლიაჟზე, ლაუნჯ ბარებით, ღამის შოუებით და კლუბებით მეხუთე ავენიუის ტერასებზე. ტურიზმი პლაია დელ კარმენში დასვენების, რელაქსაციის და გართობის  სინონიმია - ეს საუკეთესო გზაა ისტორიის და თანამედროვე კულტურის გასაცნობად, ისიამოვნოთ კარიბის ზღვის სილამაზით.