ბანსკო

პირინის მთების ძირში მდებარეობს სათხილამურო კურორტი ბანსკო.

ბანსკო მდებარეობს დედაქალაქ სოფიადან 160 კილომეტრში, თითქმის ერთი კილომეტრის სიმაღლეზე (936 მ). უმაღლესი მწვერვალია ვიჰრენი, 2915 მ.

ეს ტერიტორია ნაკრძალად ითვლება: პირინის ნაკრძალი იუნესკოს ბუნებრივი მემკვიდრეობის სიაში შედის. ულამაზესი ძველი ქუჩები, რამდენიმე საინტერესო მუზეუმი და უძველესი ტაძრები თქვენს სეირნობას განსაკუთრებულად მომხიბვლელს გახდის. მთავარ ქუჩას პირინი ეწოდება.

თოვლის საფარი 2 მეტრს აღწევს და საკმაოდ მყარია, ფერდობების ჩრდილოეთ ექსპოზიციის წყალობით. აქ ფერდობები ნებისმიერი დონის მოსრიალეებისთვისაა : ნაზი (30%), საშუალო (45%) და ციცაბო ექსპერტებისთვის.

სათხილამურო სეზონი დეკემბრიდან აპრილამდე გრძელდება.

შილიგარნიკის (Shiligarnika), სტარა პისტას (Stara Pista), ტოდორკას (Todorka) და პლატოს (Plato) სასრიალო ბილიკები საუკეთესოა დამწყები მოთხილამურეებისთვის, ბონდერიშკა და ცურნა მოგილა (Ctzurna mogila) - შედარებით რთული ფერდობებით, გამოცდილი სპორტსმენებისთვის.

ბანსკოში არის სათხილამურო სკოლა, ასევე სათხილამურო ბაღი. თუ 4 წელზე მეტი ასაკის ბავშვებთან ერთად მიდიხართ ამ კურორტზე, „ბენდერიშკა პოლიანას“ სადგურზე არის საბავშვო ლიფტი, სათხილამურო ატრაქციონები,  მოძრავი ბილიკები და ასევე ქირავდება სპორტული აღჭურვილობა.

მანძილი აეროპორტებამდე: სოფია - 160 კმ, პლოვდივი - 185 კმ

ბანსკოს სათხილამურო ტრასის დეტალური რუკის სანახავად დააჭირეთ რუკაზე

სასრიალო პირობები

სათხილამურო ტერიტორია - 950 - 2560 მ.

სიმაღლის სხვაობა - 1610 მ.

ტრასების საერთო სიგრძე -  75 კმ.

ტრასები დამწყებთათვის - 23 კმ.

საშუალო სირთულის ტრასა - 34 კმ.

რთული ტრასა - 18 კმ.

ყველაზე გრძელი ტრასა - 17 კილომეტრი.

საბაგიროები - 6.

სავარძლიანი საბაგირო - 9.

გონდოლა - 1.

სნოუბორდის პარკი, ჰაფპაიპი.

მთლიანი ტევადობა -  11,250 ადამიანი საათში.

APRES-SKI

ბანსკოში ბევრი კაფე, რესტორანი და ტავერნაა, უფრო ზუსტად კი - 100 - ზე მეტი დაწესებულება. ერთ-ერთი ყველაზე ცნობილი ტავერნა არის Dedo Pene.

ბანსკო არის კურორტი კარგი ატმოსფეროთი, სადაც შეძლებთ იპოვოთ გასართობი ყველა გემოვნებისთვის: ნაციონალური რესტორნები, რომლებიც ყოველ მეორე სახლშია გახსნილი, უგემრიელესი სამზარეულოთი და ენერგიული სიმღერებით, ღამის ბარები და დისკოთეკა, საუნები და აუზები, რომლებიც მდებარეობს კურორტის უმეტეს სასტუმროებში, ბოულინგ - ცენტრები, ყინულის მოედნები.

ეს ლამაზი ქალაქი აშენებულია ტრადიციული სახლებით მის ცენტრს კი ბულგარეთის არქიტექტურისა და ცხოვრების ნამდვილი მუზეუმის შეხედულება აქვს. ასეთ პატარა დასახლებაში დაახლოებით 140 ისტორიული ადგილია. ბანსკოს გარშემო მრავალი ლამაზი, უძველესი მონასტერია. ასევე შეძლებთ ექსკურსიაზე წასვლას პატარა ქალაქ მელნიკში.

რეგიონის სპორტული შესაძლებლობები

9 კილომეტრიანი ბარის სათხილამურო ტრასა, „ბანდერიშკა პოლიანას“ აკავშირებს გონდოლას ლიფტის პირველ სადგურთან. პარაგლიდინგი, ჰელი-სქი და ჰელიბორდინგი, სასრიალო მოედანი ბიატლონისთვის.

ბავშვებისთვის

4-დან 7 წლამდე ასაკის ბავშვებისთვის, მოქმედებს «Junior ski club»,  რომელიც მდებარეობს გონდოლას ლიფტის ზედა სადგურზე. გაკვეთილის ღირებულება შეადგენს დღეში 25 ევროს, 6 დღის განმავლობაში დაახლოებით 140 ევროს, სადილის ჩათვლით.

სნოუბორდი

პარკი Bansko Fun Park-ი, ჰაიფპაიპი სნოუბორდისტებისთვის.

სათხილამურო და სნოუბორდ სკოლა

უფროსებისთვის და 12 წელზე ზემოთ ბავშვებისთვის.