მზიანი სანაპირო - უმსხვილესი მეგა - კურორტი ბულგარეთის მთელ სანაპიროზე.  კურორტზე სანაპირო ზოლის სიგრძე დაახლოებით 8 კმ-ია, ხოლო სიგანე 100 მეტრს აღწევს.  წვრილი, ოქროსფერი ქვიშია, ულამაზესი დიუნები - საუკეთესო კომბინაციაა იდეალური დასვენებისთვის.

 კურორტ მზიან სანაპიროს მინიჭებული აქვს ცისფერი დროშა, (პლაჟების ხარისხის სერთიფიკატი, რომელიც შეიქმნა გარემოს დაცვის ევროკომისიის მიერ და ყოველწლიურად ენიჭება რაიონებს წყლისა და ქვიშის სისუფთავის შემოწმების შედეგების საფუძველზე). კურორტზე სანაპიროები მუნიციპალურია, ანუ  განკუთვნილია საზოგადოებისთვის და არ აქვს დახურული ტერიტორია, ზღვის შესასვლელი ქვიშიანი და ნაზია, რაც იდეალურია ბავშვებიანი ოჯახებისთვის. კურორტი ცნობილი გახდა საბჭოთა კავშირის დროს, მისი დაშლის  შემდეგ, კი ზრდა დაიწყო. ცენტრალური ნაწილი აშენების შემდეგ, ძირითადი სამშენებლო ზონა გადავიდა ჩრდილოეთით, რამაც განსაზღვრა კურორტის თანამედროვე იერსახე: მზიანი სანაპიროს  ცენტრალურ ნაწილში არის საბჭოთა პერიოდში აშენებული შედარებით ეკონომიური ტიპის სასტუმროები, რომელთაც მთლიანად ჩატარებული აქვს რეკონსტრუქცია, ხოლო ჩრდილოეთით მდებარეობს უფრო ახალი, ძვირადღირებული „ლუქს კლასის სასტუმროები.

ამჟამად, კურორტს აქვს 300-ზე მეტი სასტუმრო და აპარტამენტი, რომლებიც ორიენტირებულია ტურისტების აბსოლუტურად ყველა კატეგორიაზე: იაფი 2 *, 3 * ახალგაზრდული და ეკონიმიური დასვენებისთვის, 4 * განვითარებული ინფრასტრუქტურით, ALL inclusive კვების ტიპით ბავშვებიანი ოჯახებისთვის და ძვირადღირებული 5 * ყველაზე მოთხოვნადი ტურისტებისთვის. ასევე, კურორტს აქვს მრავალი საცხოვრებელი ვარიანტი თანამედროვე კომპლექსებში, დიდი კომპანიების განსათავსებლად. კურორტის გასწვრივ სანაპიროზე, ცენტრალურ ნაწილში მდებარე  მთავარი ქუჩა, კურორტს ორ ნაწილად, ჩრდილოეთად და სამხრეთად ჰყოფს, ხოლო მასზე მდებარეობს მთავარი ორიენტირი სასტუმრო „კუბანი“. უამრავი რესტორანი, კაფე, ბარი, კაზინო, ღამის კლუბები, მაღაზიები, ატრაქციონები, აქვაპარკი Action  კურორტს უფრო საინტერესოს და მიმზიდველს ხდის. აქ სპორტული აქტივობების უამრავი შესაძლებლობაა : პლაჟის ფრენბურთი, სერფინგი, წყლის თხილამურები, ბანანი, პარაშუტი და ა.შ.

მზიანი სანაპირო განთხმულია ღამის ცხოვრებით, აქ გასართობად ახალგაზრდები მთელი ევროპიდან ჩამოდიან. კურორტი ყველა კატეგორიის ტურისტებზეა გათვლილი, რომელთაც უყვართ აქტიური დასვენება და განვითარებული ინფრასტრუქტურა.