ქალაქი ბურგასი მდებარეობს შავი ზღვის სამხრეთ სანაპიროზე, სოფიიდან 400 კილომეტრში. ქალაქი -კურორტი შედის ბულგარეთის ყველაზე მსხვილი ქალაქების სიაში სოფიის, პლოვდივისა და ვარნას  შემდეგ. განსაკუთრებულ სილამაზეს მას გარშემორტყმული ულამაზესი ტბები, ბურგასი, ატანოსოვსკოე და მანდრენსკოე მატებს. ამჟამად ბურგასი - ბულგარეთის ტურისტული ცენტრია და დიდი მნიშვნელობა აქვს ქვეყნისთვის. ქალაქში ქვეყანაში სიდიდით მეორე საზღვაო ნავსადგური, საერთასორისო აეროპორტი, სარკინიგზო სადგური მდებარეობს, საიდანაც რეგულარულად ხორციერდება რეისები ბულგარეთის მსხვილ ქალაქებში.

ნაზი ზღვის, თბილი მზის და დიდებული მწვანე ბაღებისა პარკების კომბინაცია ამ ადგილს განსაკუთრებით მიმზიდველს ხდის დასასვნებლად, ასევე რეგიონის მრავალსაუკუნოვანი ისტორია და ბიზნეს ვიზიტები, ყოველწლოურად ათასობით ტურისტს იზიდავს მთელი მსოფლიოდან.

ქალაქში რამდენიმე პლაჟია, რომელთა სიგრძეა 10 კმ და 100 მეტრი სიგანე, ხოლო სუფთა და მარილიანი ტბების წყალი გამოიყენება ბალნეოლოგიისა და ტალახის თერაპიისთვის. ბურგასის ცენტრალური სანაპირო მდებარეობს საზღვაო პარკის გასწვრივ და აქვს ნავსადგური, საიდანაც იწყება ნავების ექსკურსია. ამ პლაჟის ქვიშა მუქი ფერისაა მაგნეტიტის მინარევების გამო.

ასევე ქალაქის შიგნით, იზგრევის კვარტალთან ახლოს, მდებარეობს ჩრდილოეთ პლაჟი. საზღვაო პარკი ბურგასის ერთ-ერთი ყველაზე ცნობილი ღირსშესანიშნაობაა, რომელიც ზღვის გასწვრივ 7 კილომეტრზეა გადაჭიმული. პარკი მორთულია მრავალი თანამედროვე ქანდაკებითა და ძეგლით.

აქ არის საზაფხულო თეატრი ღია ცის ქვეშ, სადაც დაახლოებით 2,5 ათასი ადამიანი ეტევა და მასპინძლობს საინტერესო სპექტაკლებსა და სხვა და სხვა ფესტივლებს. ბულგარეთის ამ ქალაქის მრავალსაუკუნოვანი ისტორიის მონახულებას ქალაქის ისტორიულ მუზეუმში შეძლებთ, რომელშიც ინახება ძველი ფოტოსურათები, ჭურჭელი, უძველესი იარაღი და სამკაულების კოლექცია.

ბურგასის ბუნებრივი მეცნიერების მუზეუმში შეგიძლიათ იხილოთ ამ ქალაქის ფაუნისა და ფლორის ექსპონატები.  ბურგასის ეთნოგრაფიულ მუზეუმში საინტერესოა საყოფაცხოვრებო ნივთების კოლექციები, ბულგარული ტრადიციული კოსტუმები და ძველი თოჯინების ნიღბები. ბურგასის ყველაზე მონახულებადი ადგილი წმინდა კირილესა და მეთოდის ეკლესიაა. ბურგასში დასვენება შეუძლებელია ბურგასის აბანოების მონახულების გარეშე, რომლებიც ცნობილია მათი მინერალური სამკურნალო წყაროებით.

ამ კურორტის პლაჟებს აქვთ მრავალფეროვანი გასართობი: წყლის მოტოციკლები და კატამარანები, პარაშუტები და ბანანი, იახტები, ნავები და მრავალი სხვა. ყველა პლაჟი არის აღჭურვილი ქოლგებითა და შეზლონგებით. კურორტს აქვს მრავალი რესტორანი და ბარი, სხვა და სხვა ეროვნული დაწესებულება და პიცერიები, სადაც შეგიძლიათ დატკბეთ მშვენიერი და თბილი ატმოსფეროთ და დააგემოვნოთ მრავალფეროვანი კერძები. გარდა ამისა, ბურგასში არის ზოოპარკი და აქვაპარკი, კაზინო. ბურგასის ტურისტული კონტინგენტი ყველაზე მრავალფეროვანია, მაგრამ ძირითადად ამ ადგილს უპირატესობას ანიჭებენ ისინი, ვისაც სურს დატკბეს მოზომილი და მშვიდი შვებულებით, დაისვენონ მომაბეზრებელი და ხმაურიანი ქალაქისგან, გაიუმჯობესონ ჯანმრთელობა და მიიღონ ინფორმაციული ექსკურსიები. ბურგასში დასვენებისთვის საუკეთესო თვეა მაისი - სექტემბერი. ამ დროს ბურგასის ამინდი სასიამოვნოა დასვენებისთვის, ზღვის ნაპირების გამო, რომლებიც არბილებენ ბულგარეთში ზაფხულის სიცხეს. ბურგასში ზაფხულის არდადეგების სეზონის ჰაერის საშუალო ტემპერატურაა 26-27 C, ხოლო ზღვის ტემპერატურა დაახლოებით 24 C.