კურორტი ობზორი მდებარეობს შავ ზღვაზე, სტარა პლანნას მთის ძირში, რომლის ფერდობები დაფარულია კილომეტრიანი ტყით. მდებარეობიდან გამომდინარე, ქალაქში ყოფნა სასარგებლოა ბრონქული და ასთმურ - ბრონქული დაავადებების სამკურნალოდ. ქალაქიდან 1.5 კილომეტრში არის მინერალური და წყალბადის სულფიდის წყაროები. ქალაქი პირობითად, ბულგარეთის სანაპიროებს ყოფს "ჩრდილოეთ" და "სამხრეთ " ნაწილებად, ვინაიდან ის მდებარეობს ორ უმსხვილეს ქალაქ ბურგასა და ვარნას შორის და თითოეულიდან დაშორებულია დაახლოებით 60 კილომეტრით.

ობზორი უძველესი ქალაქია, მისი ისტორია დაახლოებით 3 ათასი წლით თარიღდება. ბერძნებმა მას ჰელიოპოლისი უწოდეს (ბერძნულიდან ითარგმნება, როგორც "მზის ქალაქი"). ძვ.წ. I საუკუნეში რომაელთა დაპყრობის შემდეგ აშენდა იუპიტერის ტაძარი რის შედეგადაც ქალაქმა მიიღო სახელწოდება თეოპოლისი ("ღმრთის ქალაქი") ან თემპულ იოვისი ("იუპიტერის ტაძარი"). ამ ტაძრის ნანგრევები დღემდეა შემორჩენილი ქალაქის ცენტრში. აქვე არის ლამაზი მართლმადიდებლური ეკლესია. ადგილობრივ ღირსშესანიშნაობებიდან აღსანიშნავია რომაული ციხე კოზიაკიб გამაგრებული ციხე-სიმაგრის კედლით, ობზორის სამხრეთით, კეიპ ემინთან არის შუქურა და ძველი ბულგარეთის ციხის ემონას ნანგრევები.

ობზორმა ამჟამინდელი სახელი მიიღო 1936 წელს, ხოლო ქალაქის სტატუსი 1984 წლის 9 სექტემბერს. ობზორი - მშვიდი, მყუდრო, რომანტიკული ადგილია. შესანიშნავი კურორტი მათთვის, ვისაც სურს ბავშვებთან ერთად დასვენება, ამასთანავე, გარკვეული ეკონომიის გაეთება. კურორტს აქვს გრძელი და ფართო ქვიშიანი სანაპირო, რომლის სიგრძე დაახლოებით 6 კილომეტრია, სიგანე 60-70 მ. ბავშვებისთვის არის გასართობი პარკი, საბავშვო კარტინგი, სათამაშო მოედნები, საცურაო აუზები, ნაზი და მოსახერხებელი შესასვლელი ზღვაში, საბავშვო ფესტივალები ტარდება ყოველ ზაფხულს ქალაქის ცენტრალურ მოედანზე. ობზორს აქვს განვითარებული ინფრასტრუქტურა, აქ არის მრავალი რესტორანი, კაფე და სავაჭრო ქუჩები. პლაჟზე სხვა და სხვა სპორტის სახეობით დაკავებაა შესაძლებელი.