ნესებრი - ევროპის უძველესი ქალაქი (დაარსდა თრაკიელების მიერ , ბრინჯაოს ხანის ბოლოს ) 1983 წლიდან იუნესკოს ეგიდით გამოცხადდა მსოფლიო მნიშვნელობის კულტურულ ძეგლად. 

როგორც წესი, ქალაქი ორ ნაწილად იყოფა - ახალი ნესებრი და ძველი ქალაქი. ქალაქის ძველი ნაწილი მდებარეობს პატარა, კლდოვან ნახევარკუნძულზე, რომელიც კონტინენტთან არის დაკავშირებული ვიწრო ყელით, და მის ძველ  ნაწილს ახალ ნესებრთან აკავშირებს. ძველი ქალაქი ნამდვილი არქიტექტურული სამკაულებით სავსე ზარდახშაა. შუა საუკუნეებში აქ აშენდა დიდი რაოდენობით ტაძრები, რის გამოც ნესებრს „40 ეკლესიის ქალაქს“ უწოდებენ, საოცარ ნაგებობები ერკერის ფანჯრებით, ძველი კედლებითა და ვიწრო ქვაფენილიანი ქუჩებით. ზოგი მათგანი დღემდეა შემორჩენილი. ძვ.წ. VI საუკუნეში აქ ძირითადად ბერძნები სახლობდნენ. იმ ხანებში ქალაქი-სახელმწიფო გარშემორტყმული იყო ციხესიმაგრის კედლით და ცნობილი იყო როგორც მიუვალი ციხე-სიმაგრე. ციხის უძველესი კარიბჭე დღემდეა შემონახული. მისი კედლის ნანგრევების მახლობლად, ქალაქის ცენტრალურ შესასვლელთან არის არქეოლოგიური მუზეუმი, რომელშიც ინახება ანტიკური და შუასაუკუნეების ხელოვნების ნიმუშები.

ახალი ნაწილი - თანამედროვე ქალაქი განვითარებული ინფრასტრუქტურით, ესაზღვრება უდიდეს კურორტ, მზიან სანაპიროს.