პომორიე - მცირე ზომის ულამაზესი ქალაქი, მდებარეობს ნახევრკუნძულზე, რომელიც ბურგას ყურის ჩრდილო-დასავლეთ სანაპიროს 3.5 კილომეტრზეა გადაჭიმული. ეს არის მთელ ბულგარეთში ცნობილი ბალნეოლოგიური ცენტრი, სამკურნალო ტალახით. კურორტის უნიკალურობა მდგომარეობს იმაში, რომ გარდა ულამაზესი პლაჟისა (არაჩვეულებრივი, თითქმის შავი ფერის ქვიშით რკინის, მაგნიუმის, ალუმინის და მაგნიუმის მაღალი შემცველობის გამო) აქვეა ძლიან მარილიანი ტბა, რომელიც ცნობილია სამკურნალო ტალახით.

ტბა უნიკალური ბუნრივი ადგილია და წარმოადგენს 850 ჰექტარი ფართობის მარილიან ლაგუნას. ლიმანის ტალახი - ქვეყნის ბალნეოცენტრების სამკურნალო პროცედურების განუყოფელი ნაწილია - მათ სწორედ პომორიეში მოიპოვებენ. ტალახი კურნავს  საყრდენ-მამოძრავებელი აპარატის, პოსტტრავმული, კანის, სასუნთქი, ნერვული და შარდ-სასქესო სისტემების დაავადებებს.

მარილის მოპოვება ქალაქში და მის შემოგარენში უძველესი დროიდან მიმდინარეობს - უდიდესი წარმოება ბალკანეთის ნახევარკუნძულზე. პომორში მარილის მუზეუმი ერთადერთი მუზეუმია ბულგარეთსა და აღმოსავლეთ ევროპაში, სადაც წარმოდგენილია ზღვის წყლისგან მარილის წარმოების უძველესი ტექნოლოგია.

დასვენებისა და მკურნალობის გარდა, პომორიე ცნობილია თავისი ისტორიით. სახელი პომორიე მხოლოდ 1934 წელს გამოჩნდა. ადრე ამ ადგილს ანჰაელოზი ერქვა (ითარგმნება როგორც „ახლო მარილი“) და ძველ საბერძნეთის ისტორიასთან იყო დაკავშირებული. ბოლოდროინდელმა გათხრებმა აჩვენა, რომ თრაკიელთა დასახლებები აქ 3,100 წლის წინ არსებობდა. ქალაქში სეირნობისას მოინახულებთ  მე -19 საუკუნეში აგებული სახლების კვარტალს "პომორას ძველი სახლები" - რომელიც ისტორიული არქიტექტურული ნაკრძალია. არქეოლოგიური აღმოჩენები აგრეთვე მოწმობს ქალაქის სიდიადეზე. კურორტიდან რამდენიმე კილომეტრში არის თრაკიელთა გუმბათოვანი სამარხი, რომელიც მავზოლეუმს ემსახურებოდა რომაულ ხანაში, აშენდა III საუკუნეში.პომორიეში ასევე მდებარეობს ქრისტიანული ძეგლები: წმინდა გიორგის მონასტერი, ყოვლადწმინდა ღვთისმშობლის და ქრისტეს ფერისცვალების ეკლესია.