სოზოპოლი

სოზოპოლი შავი ზღვის სანაპიროს უძველესი ქალაქია, მრავალსაუკუნოვანი ისტორიით. პირველი დასახლებები ამ ადგილებში ძვ.წ. 4-3 ათასწლეულში დაარსდა (ბრინჯაოს ხანა).

ძველად, მის ადგილას იყო ბერძნული ქალაქი აპოლონია, ქალაქი ამშვენებდა აპოლონის 14 მეტრი სიმაღლის ბრინჯაოს ქანდაკება. შემდეგ რომაელებმა ეს ქანდაკება წაიღეს რომაულ კაპიტოლში, სადაც ის დღემდე ინახება, რომაელი სარდალი მარკ ლუციუსი, რომელმაც ქანდაკება რომში წაიღო, ასევე გაანადგურა აპოლონია. ქალაქი გაცოცხლდა რაც 5 საუკუნის შემდეგ სოზოპოლისის სახელით. ახლა სოზოპოლი - ნესებრთან ერთად - ტურისტებისთვის ერთ – ერთი ყველაზე პოპულარული და საყვარელი ადგილია.

ქალაქი იყოფა ორ ნაწილად - ნახევარკუნძულზე მდებარე ძველი ნაწილი და ახალი ნაწილი, რომლებიც ერთმანეთისაგან გამოყოფილია ულამაზესი პარკით. ძველი ქალაქი არის არქიტექტურული და ისტორიული ნაკრძალი, რომელიც იზიდავს ტურისტებს თავისი ორიგინალური სტილით და დაცულია იუნესკოს მიერ.

ქვაფენილიანი უსწორმასწორო, ვიწრო ქუჩები, სიმწვანესა და ყვავილებში ჩაძირული, ხის ერკერული სახლები კრამიტით დახურული სახურავებით, უძველესი ეკლესიები, სათევზაო ნავსადგური, თვალწარმტაცი „სამუზეუმო“ ქალაქის შემადეგენელი ნაწილებია. 2010 წლის ივნისში წმინა იოანეს კუნძულზე, სოზოპილის მახლობლად გათხრებისას, ბულგარეთის არქეოლოგიურმა ჯგუფმა მიაგნო ადამიანის ნაშთს, რომელიც სავარაუდოდ, იოანე ნათლისმცემელს ეკუთვნის. მათი მონახულება და თაყვანისცემა შესაძლებელია სოზოპოლის წმ კირილისა და მეფოდიას ეკლესიაში და მდებარეობს ქალაქის ძველ ნაწილში. ახალ ნაწილში მდებარეობს უამრავი მცირე ზომის სასტუმრო, რესტრორნები და მაღაზიები რაც ტურისტების დასვენებას განსაკუთრებით კომფორტულს, და მყუდროს ხდის. სოზოპოლში დასვენება ხელოვნების წარმომადგენლებს განსაკუთრებით უყვართ : მსახიობებს, პოეტებს, მხატვრებს. სექტემბრის დასაწყისში აქ ტრადიციულად ტარდება ხელოვნების ფესტივალი სახლწოდებით „აპოლონია“. სოზოპოლში ორი ქვიშის მუნიციპალური პლაჟია, აღჭურვილი შეზლონგებითა და ქოლგებით.